【武漢肺炎】福臨門跟新例Set枱相隔2米 晚市無堂食 顧客讚安全
蘋果日報 2020/03/29 17:20
福臨門武漢肺炎
（攝影：陳俊強）
受武漢肺炎疫情影響，政府早前立例，食肆枱與枱之間保持1.5米距離，限制人數聚集，昨晚起實施，香港所有食肆受波及，經營困難，有食店索性關門應對。
位於灣仔的明星食府、本月初爆發經營危機的「名人飯堂」福臨門，今日如常營業，中午時份依然有不少客人光顧，當中不乏遊客，但人流量明顯較疫情前減少，至下午接近3點，食店另一邊玻璃廚窗落閘。據店員透露，食店午巿如常營業，晚市則謝絕堂食，但仍會接受預訂外賣，全日外賣一律八折，吸引食客幫襯，減價抗疫。
由荷蘭返港遊客鄭先生離開時透露：「食肆枱與枱之間有2米距離好安全，比起其他食店寬闊，覺得咁樣有一定幫助，疫情最主要人同人接觸。我喺荷蘭返嚟，見到香港情況覺得比荷蘭安全好多，因為嗰邊啲人冇戴口罩，亦買唔到口罩。」鄭生不會因疫情恐懼到其他食店，亦沒想過叫外賣，會繼續在港消費覓食。
另一對夫妻食客離開時，只透露食店得幾枱食客，好少人；另一位女食客則透露：「食肆之間有安全距離，覺得咁樣做法係幾好，唔錯。」
福臨門灣仔分店上月26日宣佈暫停營業至本月3日，以進行全面清潔及消毒，而尖沙嘴分店則正常營業。
採訪：卓寶花
攝影：陳俊強
攝影：陳俊強
由荷蘭返港遊客鄭先生稱枱與枱之間有2米距離好安全，比起其他食店寬闊，覺得有幫助。
這位女食客讚食店讓食客之間保持距離，做法不錯。
福臨門晚市繼續營業，但不設堂食。