【本報訊】理大攻防戰經過漫長的13日落幕，在警方包圍理大初期，首支30人逃難小隊要攀過刺網高牆、與高速駛過列車擦身而行，穿越凹凸不平及積水地盤，原本只是運動場一個圈的路程，最終要經歷三小時膽戰心驚才走完。逃出生天不見得有絲毫興奮，損手爛腳亦不覺痛楚，內心只有拋棄手足的愧疚，有人休息片刻旋即重返現場參與營救行動「贖罪」，心中只有一個盼望：「我好想見到贏嗰一日。」

逃脫者之一「腳板仔」事後說：「就算有一日因為抗爭冇咗條命，我都想有意義地冇咗條命，好過俾警察拉埋打死咗，跟住拋條屍落海。」

「留一陣已知負能量幾勁」

上月17日理大圍城當晚，他已拚命找出口離開理大，最終由一名先頭部隊指引逃亡，展開畢生難忘的400米長征，乘警方大光燈移動的瞬間，手足有男有女，合力一個托一個，攀過高高低低，橫越數條行車線及路軌。每一個移動發出的聲響都令人精神繃緊，生怕被揭發追捕，「快快快，唔好停」，眾人在催促聲中加快腳步竄入港鐵一個地盤，終於望見出路，全身而退。

「我留過一陣已經知道嗰堆負能量幾勁」。凌晨時分成功逃脫的腳板仔仍記掛校園內的手足，睡了數小時即重返理大外圍參與營救，指引10多人循其舊路逃脫。事後檢討，他坦言：「我覺得今次對我哋嚟講買咗個幾好嘅教訓，就係唔可以再追求打陣地戰。」是次敗陣無阻抗爭之心，他相信只要繼續和勇合一，發掘多元化抗爭方法，運動仍能走下去。

■記者黃麗英