當年今日
關於我們

【3月韓劇】女神孫藝珍玩姊弟戀撼IU戀大叔 勢做收視女王

蘋果日報 2018/03/01 08:30

韓劇IU孫藝珍3月

踏入狗年,大家啱啱過完農曆年,呢個新年有冇趁機煲劇?喺3月份,韓劇界真係好鬼旺,多齣韓劇都輪住出籠,對於有選擇困難症嘅劇迷,真係唔知點揀好。
(一)SBS《善良魔女傳》(首播日期:3月3日)
韓劇《大話妹》女星李多海,於2014年拍完《Hotel King》後就未有再拍韓劇,早前佢落實接拍《善良的魔女傳》,與柳秀榮、裴秀彬、尹世雅等合作,李多海喺劇中將一人分飾兩角,飾演雙胞胎姊妹,分別做善良嘅家庭主婦同埋有「魔女」之稱嘅空姐,劇情講原本係家庭主婦嘅姐姐,因為某個原因而不得不扮成佢個「魔女」妹妹,從此過住雙重生活。
(二)OCN《那個男人吳秀》(首播日期:3月5日)
由樂隊CNBLUE成員李宗泫擔正,早排CNBLUE成員鄭容和被爆享特權讀大學,事件對CNBLUE都有所影響,唔知對於隊友李宗泫嘅新劇又會唔會有影響呢?劇集以被詛咒嘅男主角同無法解開詛咒嘅女主角所發生嘅愛情故事,李宗泫飾演男主角吳秀,女主角金素恩則演正義巡警。
(三)tvN《Live》(首播日期:3月10日)
人氣綜藝節目《Running Man》嘅成員李光洙一向勁多粉絲,今次由佢擔正嘅tvN新劇《Live》會夥拍鄭有美同裴晟佑,光洙喺劇中會飾演麻煩新人警察,不時要着住制服拍攝,劇中光洙為咗生活先做警察,不過佢做咗警察後就發現同佢想像中唔同,同時亦都激發起佢對工作嘅熱誠。
(四)MBC《偉大的誘惑者》(首播日期:3月12日)
劇集改編自法國小說《危險關係》,更大膽起用一眾新人演員孭飛,包括《救救我》25歲男星禹棹煥、女團Red Velvet嘅21歲成員Joy、《鬼怪》21歲男星金旻載等,講述上流社會嘅青年男女嘅愛情故事。
(五)SBS《Switch-改變世界》(首播日期:3月14日)
兩年冇拍劇嘅張根碩再回歸公仔箱,夥拍性格女星韓藝璃擔正劇集,喺劇中張根碩將會一人分飾兩角,包括準備緊司法考試嘅天才騙子同埋檢察官,韓藝璃則飾演熱血檢察官,講述喺合法同違法嘅正義故事。
(六)MBC《牽著手,看夕陽西下》(首播日期:3月14日)
由韓惠珍、尹尚賢、柳仁英等主演嘅MBC新劇《牽著手,看夕陽西下》,故事以一對夫婦面臨死亡嘅時候,佢哋回顧昔日嘅時光時,終於領悟到家人嘅珍貴。
(七)tvN《我的大叔》(首播日期:3月21日)
24歲嘅「國民妹妹」IU戀上42歲「大叔」李善均,睇年紀兩人就真係唔多相襯,不過大叔有經濟基礎又成熟,0依家都勁有市場,唔少韓國女星都唔介意另一半大自己十幾年,而《我的大叔》就講擁有相同沉重生活負擔嘅40歲男人同埋20歲女人,大家互相觀察後並治癒對方嘅故事。
(八)tvN《致忘了詩的你》(首播日期:3月26日)
醫院題材一向吃香,《致忘了詩的你》由李浚赫、李侑菲、張東尹、申載夏等主演,以物理治療師嘅角度來描寫身邊其他人嘅故事,除了物理治療師外,亦包括放射治療師、護士和實習醫生等。
(九)JTBC《經常請吃飯的漂亮姐姐》(首播日期:3月30日)
韓國女神之一嘅36歲女星孫藝珍事隔5年再次拍劇,《經常請吃飯的漂亮姐姐》中大玩姊弟戀,喺劇中戀上29歲嘅上位男星丁海寅,丁海寅喺劇中飾演電腦遊戲公司嘅企劃兼遊戲人物設計師,結束海外出差、事隔三年回到韓國總公司工作,仲因而遇上孫藝珍,之後兩人譜出愛曲。
更多韓流,喺晒《娛果》
http://fb.com/appledailyent
empty
SBS《善良魔女傳》首播日期:3月3日
empty
OCN《那個男人吳秀》首播日期:3月5日
empty
tvN《Live》首播日期:3月10日
empty
MBC《偉大的誘惑者》首播日期:3月12日
empty
SBS《Switch-改變世界》首播日期:3月14日
empty
MBC《牽著手,看夕陽西下》首播日期:3月14日
empty
tvN《我的大叔》首播日期:3月21日
empty
tvN《致忘了詩的你》首播日期:3月26日