近期每逢臨近周末，投資者就好像患上恐懼症，內地投資者的症狀尤其嚴重，A股昨日再跌1.3%，港股略好一點，期指雖然都做陰燭，但總算升了72點，最高曾彈過189點，叫做畀機會大家唞唞氣。由於觀望內地經濟數據，昨日大市頗為沉悶，全日波幅只得200點，不過悶還悶，筆者認為今日及下周一大市能否守穩，對往後走勢頗為關鍵，因為最近利淡消息多多，如南北韓局勢持續緊張，兩方互相指摘，你軍演完又到我，似乎要點燃戰火才心息。
另一方面，歐債危機沒完沒了，救完愛爾蘭，又怕要救西葡兩國；中國又突然提早至本周六公佈經濟數據，令人擔心通脹超預期外，還會順手加息，咁多利淡因素下，若然站得住腳，應該可以對後市正面一點。

通常這些消息滿天的日子，照妖鏡就會出動，照一照各個板塊，睇睇邊個最硬淨，近日就看到本地零售股在淡市中仍然企得穩，日前深圳宣佈放寬外省居民來港個人遊簽證，預料將惠及逾400萬非廣東省籍的深圳常住居民，為本港零售業注入動力。雖然大部份零售股升幅已巨，有些估值亦唔算便宜，但在預期增長可維持下，日後當大市氣氛好轉，應續有可人表現。
在人民幣升值下，內地人來港消費變得越來越抵，唔單止買名牌手袋抵，企業亦同時變得吸引，例如金融公司就有價有市，自從大福證券由海通國際（665）收購後，不少同業都引起投資者注意，憧憬再有內地證券行到港收購，炒個不亦樂乎，不但是證券行，數家歷史悠久的本地銀行亦屢次傳出有內地銀行想收購，出現輪流炒作的情況，趁跌的時候可考慮買少少傍身，相信來年仍會有3至4次炒作，直至有一家落實被收購為止。
本人及相關人士並未持有上述股票

張士佳
寶來證券（香港）董事　投資服務部
mailto:[email protected]