有地產界老行尊講，𠵱家舖租升到飛天，搞到百物騰貴，民不聊生，大家外出消費，無論買嘢食嘢，使嘅錢絕大部份其實都係畀租，做生意毛利極低，地產霸權就肥過肥仔水，所以政府最應該遏止商舖炒風，唐牛深表認同。
戰友想對沖貴租因素，不妨考慮置富產託（778），公司噚日放榜，全年每個單位共派息32.35仙，息率4.9厘，較領匯（823）嘅3.5厘多四成；物業收入淨額增長23%至7.9億銀，旗下16個商場，逾半出租率達100%，每基金單位NAV達8.81元，現價大折讓逾兩成，絕對超值；息高配合穩健增長，乃近期chok市嘅避險首選。