【角色大逆轉】平日溫文有禮照顧愛妻 阮經天夜晚會變...
阮經天心理罪之城市之光
阮經天主演嘅新片《心理罪之城市之光》,將收起陽光男孩靚子樣。(《心理罪之城市之光》劇照)
台灣型男阮經天(小天)主演嘅新片《心理罪之城市之光》喺明年1月4日上映,今次小天收起陽光男孩靚仔樣,留長髮兼戴眼鏡,一陣陰森感覺,原來佢戲中演一個冷血變態殺人狂,平日係一個溫文有禮嘅愛妻號,獨力照顧有病老婆林嘉欣,夜晚就變身冷血殺手,自以為係主持正義,制裁法律無定罪嘅壞人。但過程就非常心狠手辣同變態,眼神兇狠絕不手軟,小天話:「這個角色不易演,可以說是喪心病狂,我之前特意看了很多有關心理學、殺人犯等等的書籍,看到我自己也愈來愈心寒,真的是一個心理挑戰。」
演警察嘅劉詩詩為咗捉拿小天呢個變態連環殺人犯,搵咗刑警鄧超出山幫手。平時有操開做運動嘅小天,笑話估唔到鄧超竟然咁好體能,而且精力無窮,小天話:「拍攝時真的出盡狠勁,我要拿斧頭及鏍絲批劈他,他不停奔跑閃避,然後我們要互相肉緊地勒死大家。拍到一半我已經累到不行,坐下休息時鄧超還在四圍說笑,然後突然在我面前露出六塊腹肌,又不停弄pose展現身段,笑到我沒氣。」
更多娛聞,喺晒《娛果》
http://fb.com/appledailyent
平日係一個溫文有禮嘅愛妻號,獨力照顧有病老婆林嘉欣(《心理罪之城市之光》劇照)
林嘉欣戲中飾演小天老婆。(《心理罪之城市之光》劇照)