電影《無間道》編劇兼導演麥兆輝昨日接受商台訪問，大談他99年已開始拿着《無》片的故事大綱四出找投資者，包括嘉禾電影與導演杜琪峯等，但他們都不感興趣，直至劉德華看過故事後便成了中間人，找來林建岳投資。
麥兆輝說：「其實劉德華喺件事入面嘅穿針引線好緊要，真係好多謝好多謝佢。」《無》片令麥兆輝吐氣揚眉，原來當年他寫《無》片劇本之同時，已有轉行打算，他說：「01年之前我做導演已經拍咗五部戲，但係都冇人識，我嗰陣時就諗不如試吓寫一部自己最鍾意嘅戲出嚟，睇吓投資嘅人、演員同觀眾鍾唔鍾意先，如果唔得就轉行，呢個係現實。」