或者香港人唔太熟悉基爾禾呢支球隊，但提起基爾禾，就一定會諗起佢旗幟人物射手柏利斯亞。喺噚晚基爾禾作客AC米蘭嘅意甲，雖然球隊以1:3輸咗，但呢位39歲嘅前鋒今季首次為球隊上陣，左腳禁區外起腳，射破差唔多細佢20年嘅基安盧基當拿隆。而呢記入波令佢以39歲178日之齡，成為意甲第六老嘅士哥手，出戰意甲16季更加季季有波入。

呢位意大利本土前鋒由2000年開始為當時仲喺意乙嘅基爾禾效力，之後球隊喺02/03球季升上意甲，當季佢已經有入波。時光飛逝，嚟到佢出戰嘅第16個意甲球季，柏利斯亞依然每季都有波入，非常犀利。講返意甲最老士哥手榜，當中都有馬甸尼同托迪呢啲大家熟悉嘅名字，而排緊第一嘅就係前AC米蘭名宿哥斯達古達，佢喺41歲25日嘅時候射入一記12碼，榮登榜首。

--------------------<br />荷蘭殺神[紅SP]戴維斯參戰確定！立即下載 BFB CHAMPIONS 2.0，建立你的橙衫軍！  http://bit.ly/2xrTKGM  <br />--------------------<br />《體蘋果》陪你睇波講波<br /> https://www.fb.com/appledailysports 

【老兵不死】基爾禾39歲射手開齋 出戰意甲16季都入波！

【老兵不死】基爾禾39歲射手開齋出戰意甲16季都入波！