韓國《KBS演藝大賞》噚晚喺汝矣島舉行，被視為最高榮譽嘅大獎，最終落在主持綜藝節目《HappyTogether3》同《我是男人》嘅劉在石手上，今次係劉在石相隔9年再奪此獎，佢打低咗勁敵申東燁、姜虎東同車太鉉。

劉在石對於自己得獎表現得難以置信，佢話：「真係好感謝，真係好抱歉，同其他節目比較起來，雖然與製作組一同努力了，但唔知道我得呢個獎啱定唔啱，覺得好抱歉。」之後佢仲公開冧老婆，「想將得獎喜訊帶畀一直理解我，幫助我，同辛苦養育孩子嘅羅京恩，仲有兒子智浩。」

劉在石指0依家整體收視處於低潮，好心痛好多節目被cut，而更心痛嘅係一同努力嘅同事因為咁而要離開，佢仲向鍾意睇綜藝節目嘅觀眾保證，出年會更加努力。