環境局噚日公佈新一屆回收基金諮詢委員會成員名單,主席由工總郭振華冧莊,同時有14位委員留任。新增嘅四張新面孔中,有一張特別吸睛──林顥伊博士(圖),之咪就係林建岳嘅千金。已經加入經民聯嘅顥伊近年喺政圈好活躍,專搞動物權益,家吓又多個公職關注回收,唔知係咪想喺政途上有啲作為?
另外三位新人分別係何竑、黃嘉莅同葉文斌,新一屆委員任期8月1日開始,任期三年。
環境局局長黃錦星就話嘞,委員會自2015年成立以來,喺回收基金嘅運作方面向政府提供唔少寶貴意見同建議,亦協助本地回收行業提高作業能力同效率,期望新一屆委員會繼續推動回收業有效運作以及可持續發展,以增加廢物回收再造,並減少喺堆填區棄置廢物。