【本報訊】無綫最佳男配角一直是古明華及陳國邦之爭，結果得票最高確是二人，但最終由《巴不得媽媽…》的「蘇基」古明華打低《大太監》的「彭三順」陳國邦贏得男配角獎，古明華即時眼泛淚光，場面感人，他攞獎時不忘多謝伯樂：「多謝監製潘嘉德將我由配音組帶番出嚟。」他覺得獎項由陳國邦頒給他別具意義，他說：「阿邦一直鼓勵我，我哋當年唔同班又唔熟，但估唔到佢咁關心我。」古明華亦未忘本，臨尾特別多謝網民支持，據知古明華剛簽無綫經理人合約。

唯唯智雯攞飛躍獎

至於最佳女配角獎由胡定欣憑《拳王》的啞女角色，擊敗勁敵黃智雯的關二嫂，胡定欣在台上開心落淚說：「過五關斬六將，我可以過到第三關，多謝公司過去十年畀我嘅機會。」胡定欣指這個兩強的揭曉方式好緊張，頒獎禮後會大班人慶祝。
同樣重份量的飛躍進步男、女藝員分別由梁烈唯、黃智雯奪得，二人在《缺宅男女》演關二哥、關二嫂很搶鏡，黃智雯領獎後表現平靜，她多謝樂易玲、劇中老公梁烈唯之餘，又特別多謝家人，無論她做甚麼角色都捧場，對於唯唯同攞獎，她感到很圓滿。相對智雯，梁烈唯較激動，除多謝無綫栽培外，更溫馨地點名多謝拍拖十年的女友Tina，事後唯唯表示，能與智雯一同攞獎，已完成心願。有份角逐飛躍、女配角及喜愛角色獎的岑麗香雖叫三飛，但與苟芸慧同樣食白果。