當年今日
關於我們

【再度發肉】暴肥香取慎吾脹爆襲港 中環歎忠記粥品

蘋果日報 2017/06/16 16:06

迪士尼SMAP香取慎吾

日本組合SMAP解散近半年,除咗木村拓哉繼續效力尊尼事務所外,有指中居正廣都「變節」續約尊尼,其餘三子香取慎吾、草彅剛、稻垣吾郎都會9月滿約離巢發展。
隨住香取走人,近日盛傳佢主持開嘅電視節目都會陸續摺埋,不過呢位新聞人物原來正身在香港,仲先後到中環同迪士尼為日本節目進行拍攝,見到香取唔止再度發福,鏡頭前後都展露出招牌笑容,看來唔似受到事業及合約問題困擾喎!
今日早上,香取先到中環開工,又現身文武廟,更於區內嘅忠記粥品醫肚被捕獲。中午時份,香取同拍攝隊伍拉隊到迪士尼繼續開工,被前無綫主播伍家謙撞個正着,佢留言話:「今朝有個廣告要拍。到差唔多拍到尾嗰陣,有隊日本Crew嚟咗;第一眼我唔係好認到,但再望多眼就差啲「嘩」咗出聲。」
另外有日本遊客都發現香取,唔知係咪嚴重發福關係,目擊嘅日本遊客同樣話當時完全冇留意身旁就係香取,之後才發現戴上米奇老鼠頭飾嘅香取於店內準備拍攝。
empty
香取慎吾今日脹爆襲港。(網上圖片)
empty
香取現身中環被捕獲。(網上圖片)
empty
伍家謙Ig都話見到香取。(ig圖片)
empty
今日下午大隊於迪士尼取景。(網上圖片)
empty
empty
香取成為景點(網上圖片)