日本女歌手hitomi下年就滿40歲，近年佢已經轉形成樂壇慈母，目前婚姻美滿，又有一對仔女，幾乎日日寫Blog分享幸福人妻生活。

hitomi經歷過兩段失敗婚姻，上年5月第三度嫁人兼生咗個可愛B仔，計埋為前夫生嘅囡囡，一家四口非常融洽。hitomi近日就舉家去夏威夷遊埠，噚日佢公開同老公仔女上賊船嘅體驗，hitomi唔只被扮成海盜嘅工作人員用繩綁實，仲作狀被人用刑具鎖起頭及雙手，而囝囝囡囡就對膠劍、玩具槍愛不釋手。