李八方online｜中大新傳系畢業生眾籌登報 促曾國衞「師兄」撥亂反正
蘋果日報 2020/09/22 22:53
李八方online曾國衞中大新聞與傳播學院警改傳媒定義
警方突然收緊《警察通例》對傳媒嘅定義，令岌岌可危嘅新聞自由進一步被收緊。一班中大新聞與傳播學院嘅畢業生決定挺身而出，眾籌登報向今日貴為政制局長嘅「師兄」曾國衞力陳呢次警方做法嘅問題。
喺呢份《中大新傳眾畢業生告曾國衞書》就提到，呢次警方做法係「以修改通例為名、行記者發牌之實」，根本「意在控制誰有權採訪、無理剝奪採訪自由」，同時引述報道話中大新聞系出身嘅曾國衞，因為讀書時做過系內刊物，明白做記者辛苦之處，所以希望曾國衞撥亂反正，一齊厲聲斥責警方做法。
有中大新傳學院畢業生肯一齊發聲，當然係好事，但正如佢哋引述嘅報道所講，當年曾國衞就係因為覺得做記者辛苦先去考紀律部隊，即係畢業至今都冇做過正式記者，點會明白今日香港記者面對嘅困境？更何況人哋喺辦公室連父母家人嘅相都唔擺，淨係擺習大大同777嘅肖像就知咩事啦。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！