韓國綜藝節目《RunningMan》每次都會請唔同嘅嘉賓上去，而噚晚嗰集，佢哋就請到「國民初戀」秀智作客，唔使講梗係令一眾男嘉賓癲晒喇。不過喺節目開頭，製作組就先唔同一眾RunningMan主持講邊個係嘉賓，仲將李光洙同固定嘉賓（即係秀智）分成「韓流兔子」同「韓流長頸鹿」兩組，俾主持人自己去揀同邊個一組。而劉在石就話：「韓流長頸鹿一定係李光洙，如果太快揀兔仔，可能唔係咁好。」所以佢就成為唯一一個同李光洙同組嘅成員。但當製作組同佢哋講韓流兔仔係秀智嘅時侯，劉在石即刻變得勁嬲，比賽時佢兩個仲狗咬狗骨，不過當需要大家時又會好合拍，非常好笑。

另外，秀智喺節目上透露自己嚟緊會拍新戲，呢刻作為秀智大叔fans之一嘅主持人HaHa就以請求嘅口吻同佢講：「你唔好拍戲喇！如果拍戲的話一定會有kiss戲ｏ架！」而Gary亦都加把口話：「唔好拍喇。」相反，金鐘國就好cool咁話：「如果係工作嘅話就要接受0架喇。」完全展現出冷靜大叔fans嘅一面。