汽車專題:日本實地測試
全新BridgestoneTuranzaGR-80輪胎咬地又夠靜
剛啱抵港嘅BridgestoneTuranzaGR-80輪胎,係以針對中型轎車需要而設計,既寧靜又有高嘅對地抓着性。早前筆者更獲得廠方邀請,前赴日本實地測試㖭!響各個不同測試環節中,更體會出一絲不苟嘅製作精神,又難怪廠方對新輪胎信心十足啦!
記者、攝影:陳偉林
鳴謝:同成有限公司(25256313)
逢星期一至日出版
「告示貼」解決尾廂入水問題
若你發覺上緊尾翼嘅螺絲(見圖)滲水,並有滲入尾廂嘅迹象,可到文具店或家具用品店,購買一包泥膠狀嘅「告示貼」,並用少許黏實每口螺絲周邊,便可將問題解決;但響黏之前最好先將尾翼螺絲收緊,因尾翼螺絲好多時會因日子耐咗而鬆開,假如螺絲未收緊,即使黏咗亦唔會有好效果,二來行車時尾翼亦會不斷發出震動聲音。
凹凸路面聽路噪表現
每次將車加速至60km/h後,放開油門好讓部車慢溜滑行,用耳朵聆聽車廂有否傳入路噪嘛!
■位處日本KuroisoCity嘅ProvingGround,全長3.9公里,既有標準高速碗形跑道,又有直徑110米嘅圓形濕道場,以供測試不同類型輪胎嘅實戰表現。
■由於新款BridgestoneTuranzaGR-80輪胎針對斯文房車類別,故安排嘅試乘車全屬中級轎車型號。
走彎測行車操控
同樣安排咗兩部同型號車輛,分別裝上全新BridgestoneTuranzaGR-80輪胎,以及同級法國牌子輪胎作比試,響特定範圍內繞過雪糕筒做成嘅障礙物,以測試兩者對地抓着力。
■為公平起見,廠方安排兩部分別裝上全新TuranzaGR-80輪胎,以及另一款同級法國輪胎嘅汽車作比試。
■從車窗外望,一條近400公尺長嘅路段,分有石道、磚道及柏油路面,以測試輪胎嘅寧靜度。
濕道走圓圈非易事
普通駕駛者可能認為走圈係一件簡單事,若然要你響濕滑路面上以均速走圈,原來係好講技巧,兼且重要四輪車胎有上佳排水力及抓着力,若一不留神大踏油門,只會令部車跣出去,變成手畫圓圈易過走圓圈㗎!
模擬公路測試濕滑路面難度高
整項測試難度至高,相信會係呢個項目,皆因新款TuranzaGR-80屬全天候輪胎類別,而並非高抓着性嘅跑車胎,就連試用車款又屬標準化嘅四門轎車,要響彎道變化不同嘅路段,保持行車順暢平穩,可謂殊不簡單。
■廠方安排兩部分別裝有全新及半新嘅GR-80輪胎作測試,要來得全面有更透徹了解。
記者試後簡評
每款輪胎均有其特性所在,而呢款剛研製成功推出市面嘅BridgestoneTuranzaGR-80系列,所針對為要求有全天候對地抓着力,又要符合寧靜嘅中型轎車用家;響四個測試環節嘅實際體驗中,新款GR-80輪胎較原有型號均有突出嘅改良,而比較起另一款同級法國製輪胎,明顯有更佳抓着性同寧靜度,加上代理定出合理嘅售價,確實值得用家去嘗試,但稍嫌現有GR-80輪胎尺碼,僅提供13至15吋型號,對較大嘅車款而言,惟有選擇另一款TuranzaER-50好了。
■新胎內部有多重結構,內層較剛硬胎壁有出眾支持力外,胎面不同組合,既有出色排水性,兼且重有不錯咬地力同寧靜度;另外,就算高達70%損耗,對地抓着性仍跟新胎相若。
法拉利車隊見證成功
過往,世界一級方程式車賽,各車隊所用嘅賽車胎,就只得法國一家輪胎生產商供應,直至近年方轉由日本Bridgestone提供;而2003年度參賽車隊卻分有兩大陣營,分別採用法國某牌子輪胎,以及由日本Bridgestone所供應,可算係賽車場上嘅另類較量。
■展覽台上擺放有最新法拉利車隊嘅戰馬,以證Bridgestone輪胎嘅成功。
■大張Poster展示2003年度,同樣用上Bridgestone賽車胎嘅車隊龍虎榜。
70年締造20億新紀錄
響場館嘅入口,擺放有一條套上合金軨嘅輪胎;細看之下,原來係Bridgestone自1930年起,直至2001年8月20日,生產出第20億條輪胎,並以資紀念咁話喎!大家不妨估吓呢條輪胎屬哪個型號?原來係香港車迷,尤其係飆車一族所熟悉嘅PotenzaRE-01,尺碼為215/40R17呢!
■各地傳媒除準備測試唔同路段嘅輪胎測試外,原來佢哋亦輪候緊乘車上碗形跑道嘅G-Force體驗。
■帳篷內又怎會少得全新TuranzaGR-80嘅蹤影呢!
■若以平常心坐入車廂內,當以接近200km/h走上達45度碗形賽道嘅最外線,那份橫向離心力,就連舉機拍照亦不容易,從中可領悟到輪胎所承受嘅壓力。