當年今日
關於我們

【黎小田病逝】《流行經典》結緣成好友 為湯寶如度身寫歌成遺作

蘋果日報 2019/12/01 10:50

王馨平湯寶如周慧敏黎小田

【新增內容】
一代殿代級音樂人黎小田今早因病在聖保祿醫院過世,終年73歲,他生前廣結人緣,當中湯寶如與他因合作無綫節目《流行經典50年》而認識,她日前亦有到醫院探望黎小田,今日黎小田病逝,湯寶如回覆傳媒查詢時表示:「最後一次見面係前幾日喺醫院,收到佢秘書電話話佢唔係幾舒服,好可惜,希望佢一路好走,同埋佢嘅歌大家都記住,佢係一個好好嘅音樂人,可惜,冇辦法,作為識佢嘅朋友都好唔捨得佢。」
問到二人相處軼事,湯寶如說:「其實好多嘢都好難忘,係因為《流行經典50年》先真真正正接觸Michael,咁我都做咗年幾,真係好似一家人,真係好一家人咁,我哋乜都講,錄影時又玩,當然完全冇架子,跟住我哋成班幕前幕後會出去食飯,我記得我做最後一集,佢都喊,諗唔到佢咁感性,始終大家對咗咁耐,成年幾,我嗰時都好唔捨得。」
黎小田愛錫後輩,二人合作過後,他應湯寶如要求為她作了一首歌,湯寶如表示:「後尾佢幫我寫咗隻歌,原來係佢最後作嘅一隻歌,喺錄音室時候,我好榮幸能夠有一個咁有份量殿堂級嘅人做我監製,幫我錄呢隻歌,係好開心,當我問佢可唔可以寫隻歌畀我,佢話好呀,完全冇猶豫過一秒,喺嗰段錄音室嘅時間,大家講吓音樂,講返啲趣事,我哋乜都講吓,無所不談,呢啲點點滴滴我都記得,有時我都會上吓佢屋企探吓佢。」據知首歌會明年才出,問到首歌歌名時,湯寶如表示:「因為他比較低調,在這一刻暫時不想透露歌名,不好意思。」
王馨平表示感謝黎小田這位前輩作過兩首好歌給她,分別是亞視劇集《我和殭屍有個約會》的主題曲《夢裏是誰》和插曲《愛債幾時還》,王馨平今日回覆:「佢係我爹哋好朋友,佢話過畀我聽,佢教我爹哋彈結他,我爹哋就自彈自唱《Five Hundred Miles》去追我媽咪。」
周慧敏今日也在FB悼念黎小田:「RIP,尊敬的黎小田先生!當年1985年18歲第一次參加公開歌唱比賽,黎先生是大會音樂總監,對我這個甚麼都不懂的小妹妹參賽者很友善。記得面試的時候,他建議我如果入圍在利舞臺比賽時就不要再戴上那副厚厚的近視眼鏡,我答應了他,但因為學生哥沒有錢配隱形眼鏡,我是直接除下眼鏡上台表演,因為深近視的我看不清台下,反而減輕了一點緊張。多年後在電視節目再碰上他,他又是節目音樂總監,還為我伴奏,珍惜這次唯一一次的合作。」
empty