中共治下，陳健民以剝洋蒽作比喻，先是主流媒體被控制，人民每天接收謊言洗腦；接下來是對付網上言論，最後連手機通訊平台也會監控，自由的喪失，如洋蒽外皮層層被剝下，最終只會淚流滿臉，「好明顯《國安法》第一層要剝，就係《蘋果日報》咁樣嘅主流媒體，剩低唯一嘅頑童，將佢鎖起嚟」。

約訪陳健民，原本談創報25周年，但見面時人大已通過訂立「港版國安法」，他認真問句：「出年仲有冇《蘋果日報》？」彼此苦笑幾聲。他說，從沒想過《蘋果》會消失，但早前壹傳媒集團主席黎智英被控告，已有迹可尋，質疑《國安法》訂立其中一個主因也是衝着《蘋果》而來，「佢用最粗暴嘅方式立法，點解將來唔可以用最粗暴嘅方式對付《蘋果日報》？」

陳健民跟黎智英相識主要於2014年佔中前夕，民主派發起一連7天毅行爭普選。他記得，有日半夜，黎加入毅行，由大埔行去大圍，「一路行，一路傾，行到黎明」，印象深刻，「仲記得佢孭住個背囊，好鬼死cute，我嗰陣時打咗個突，傳媒老闆孭住個《龍珠》背囊，同個身材完全唔配合」。往後碰面，二人都會談論香港形勢。

陳健民起初對《蘋果》印象麻麻，「唔鍾意譁眾取寵路線」，尤其報道受害人的新聞，只為滿足讀者的獵奇心態，「唔係太舒服」。退休前他是中文大學社會學系副教授，任教多年，有些學生畢業後卻在《蘋果》當記者，他開始感覺混亂，「究竟佢（蘋果）質素高定唔高？文筆寫得唔錯，但（報道）手法又唔太鍾意」。

直至近年香港政治局勢轉變，他有感其他媒體逐漸被收編，部份社論甚至不堪入目，「覺得呢份報章太重要」，去年因佔中案被判囚16個月，這感覺更強烈。他說在獄中，電視只能看大台，從未見過警察打人的畫面；囚友訂閱的都是親北京報章，也從不譴責警暴。《蘋果》成他唯一的窗口，「可以睇到外面嘅世界」。

每當有社會運動，《蘋果》都會鋪天蓋地報道，有時會被批評立場偏頗，也有意見認為內容單薄。陳健民認為，即使在民主自由的社會，傳媒都有左右翼之分，立場不是問題，反而在大部份傳媒被收編下，有些議題被刻意忽略、遺忘甚至打壓，不能報道，更需要一把強力的聲音作平衡。

「你唔使鍾意佢（蘋果）嘅報道或同意佢嘅立場，因為你鍾意自由，你覺得唔同嘅聲音都應該並存，就係一個咁簡單嘅原因」。對陳健民而言，《蘋果》是一個標誌，「香港自由嘅標誌」，期望仍有下一個25年，「如果冇咗《蘋果》，可以話香港冇咗自由」。

App內1-Click 10秒訂閱

毋須再因輸入信用卡資料感到麻煩！現在壹會員只要在《蘋果》app內按「我要訂閱」，即可訂閱月費計劃，按此了解更多 。同時，現在iOS用戶都可以透過Facebook或Google登入賬戶，毋須每次輸入密碼，更方便順暢。

常見問題：可登入壹會員中心，或【點擊這裏】 了解更多。

如有查詢，可聯絡顧客服務部
1. 電郵地址: [email protected]
2. 電話: 2623-9985
3. Facebook Messenger 特快客服查詢: https://hk.adai.ly/e/fbcs
以上查詢途徑之服務時間均為：（香港時間）
星期一至五 上午10時至晚上7時
星期六 上午10時至下午2時
星期日及公眾假期休息
非服務時間的查詢將於翌日回覆

-----------------------------
蘋果25年系列ebook《讀果》上架：紀實現場 、世界前線 、逆權之路 、叱吒風雲 、守護真相
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多