【本報訊】區院昨審理一宗神勇警長跳上賊車追捕偷報紙賊案件，庭上播放999通訊員與警長錄音對話，警長邊通話邊與賊對峙，賊人要脅駕車自炒時，通訊員竟細問車牌，兼安慰警長「嚟緊呀吓」，又問：「咁我收唔收線㗎？」警長向賊人警告：「落車……我開槍㗎，我唔係講笑同你！」對方聲嘶力竭回應：「我知阿Sir，我知，我好驚！」未幾，警長慘遭甩出車外兼小腿被輾。
記者：陳美莉

目擊追捕的菜販黃社德昨供稱，當日警長大叫「警察！唔好郁」後，約在5米外的被告繆富邦（35歲）將一捆報紙扔上客貨車後開車逃走，便衣警長跳上客貨車後座再命令司機停車，惟車輛高速駛走。
庭上昨播放3分鐘的錄音，警長畢寶鴻在車內致電999要求增援，他道明車輛正由蕪湖街駛往漆咸道北，更清楚指「我上咗架車呀」，惟通訊員問：「咁𠵱家追緊車呀？」畢在車內不斷警告被告停車，但不獲理會，被告更要脅「我𠵱家撞埋去」、「你想點呀？夠薑你就開門呀！」
畢與被告對峙期間，通訊員又再問：「喂？蕪湖街、漆咸道北呀嘛？」警員回答後，對方即連番安撫「嚟緊吓，嚟緊呀吓」後，再問：「咁我收唔收線㗎？」畢在車上曾向被告稱：「我唔係同你講笑呀，我𠵱家生命受到威脅！」被告回應：「我知我知，我冇郁呀！」又在車上連番大叫：「好痛呀好痛呀！」畢回應：「落車……我開槍㗎，我唔係講笑同你！」被告回應：「我知阿Sir，我知，我好驚！」未幾，該錄音終止。

遭車輾腿 先後開四槍

控方指被告曾停車及轉身搶槍但不果，隨即再開車。畢警告及開槍，惟被告突急速倒車，畢跌出車；被告駛近，畢發第二槍，但仍被輾過小腿；被告再倒車，畢連發兩槍，被告駕車逃走。畢送院證實小腿骨折而留院10日獲9個月病假。
被告於同月21日到警署自首，早前承認兩項盜竊罪，但否認危駕、意圖嚴重傷人及拒捕。他警誡下稱欲將包括105份《蘋果日報》在內的報紙當廢紙出售賺錢，並指警長拒絕出示委任證，故不相信他是便衣警。事後他因極驚慌而失控倒車，不知曾輾過對方腳部。
案件編號：DCCC542/15