香港藝人、明星唔少都將工作重心北移，為方便工作等，於大陸都有一個住處，張天愛亦如是。

張天愛現時長居北京，她的天愛基金主力幫助大陸貧困孤兒，不只供養飲食，更會培育小孩的藝術才能，滿足心靈所需。張天愛不時舉行義賣義演，甚至拍真人騷籌款，日日只瞓五、六小時，但她樂此不疲，至今已助養超過100名小孩。

張天愛道：「當初我入China，發覺好多細路好有藝術潛力，但冇錢學嘢，同埋全部都係女仔冇男仔，我係想尋找青蛙王子，希望佢哋由青蛙變王子，喺舞台有一個夢，就算跳唔到舞，都可以做評論家、管理學校、做燈光設計、舞台編舞，好多嘢做，有二、三十種不同行業。帶一個dream俾佢哋，唔好喺街上學壞，希望有條生路俾佢哋。」

為咗培育貧困兒童，天愛基金旗下一個名為「太陽村」的項目，供養雙親離世或入獄的孤兒，張天愛解釋計劃：「中國太大喇，災難後冇人管嘅小朋友太多，社會問題亦好多。」張天愛以一個三胞胎男生舉例：「佢身體好差，媽咪唔知咩原因殺咗個爸爸要坐監，我哋前排收到消息，媽媽喺獄中過世。佢哋呢類小朋友，響社會係企唔到起身。我哋希望佢哋有一技之能，學武術又得，去學剪髮又得，做化妝師又得，早啲俾個行業佢哋，俾嘢佢學，天愛基金就係咁幫緊佢哋。」

需要幫助嘅小朋友數之不盡，張天愛想盡辦法為基金籌款，義賣、藝術公演，甚至12月搞真人騷：「我終極願望，係希望可以起到一間屋、一個學校，一個表演場地，俾佢哋自己去營運，俾佢哋做一個小老闆。One Child Policy（一孩政策）剛開放，但好多大陸小朋友冇父母，我好想帶大呢啲小朋友，等佢哋有文化、有修養。」

天愛基金至今開拓咗12年，除咗太陽村，喺大陸仲有一個名為「牧雲社」嘅藝術組織，男友因此而來：「我有拍拖，但唔使成日見，係志同道合，藝術家好多單身，或者離咗婚，有啲好老，但佢哋好有人生目標。我諗我哋係同一類型的人，有自己夢想，或者可以有一段愛情，但唔係掉低晒所有嘢去做家庭主婦囉。」

採訪：林妙萍
攝影：郭賢興
攝錄：林德雄、李祉澄

【閃耀人生女人心－張天愛(5)】
五千人中脫穎 首位華人考入皇家舞蹈學院
http://bit.ly/2FyoABQ

【閃耀人生女人心－張天愛(4)】
感謝林青霞代養女 稱邢李㷧積福娶得賢妻
http://bit.ly/2oW5T4L

【閃耀人生女人心－張天愛(3)】
不甘做煮飯婆：21世紀喇，要前衛啲
http://bit.ly/2HgslMC

【閃耀人生女人心－張天愛(2)】
離婚4次 被求婚50次：最終唔啱都冇法
http://bit.ly/2G2qMCr

【閃耀人生女人心－張天愛(1)】
有個猛料公職王父親 門口點解掛三盞燈？
http://bit.ly/2Fpt40E

精選娛聞，喺晒《娛果》
http://fb.com/appledailyent