由美國女星莎蓮活德麗（ShaileneWoodley）同安索艾果特（AnselElgort）主演嘅愛情片《生命中的美好缺憾》（TheFaultInOurStars），月尾會係香港上映。

由於劇情需要，電影曾經遠赴荷蘭取景，男女主角仲係阿姆斯特丹嘅Leidsegracht河邊一張長凳度，上演咗一場纏綿嘅接吻戲份，但自從電影6月頭係美國公映之後，呢張位於阿姆斯特丹嘅長凳竟然唔見咗，該巿發言人StephanvanderHoek解釋話：「情況實在好尷尬，因為我哋有好好睇住張凳，但0依家張凳竟然不翼而飛！」

當局話唔知件事究竟係狂熱fans所為？定係附近居民見太多遊人嚟參觀，所以索性拆走佢、還是拎走咗去做維修？不過就稱會好快整張新凳係度，0依家只可以放一盤花係度頂住先，仲叫fans睇實eBay到底有無人拍賣張凳喎！