日前先至舉行咗億元婚禮、嫁入豪門嘅汪圓圓，婚宴後第二日已經出席手袋活動，大會安排咗三四個保鑣隨行。做咗億元新抱，真係唔同啲。一到場，大家嗌佢做「蔡太」，圓圓一臉尷尬，有啲怕醜。

圓圓嘅手袋上，有一個K字嘅配戴。司儀問佢有何意思？佢話:「呢個係我新老公(蔡加讚)個名。」眾人大笑。事後圓圓解釋:「係我新婚老公個名，newhusband，我中文唔係咁好。」圓圓話家陣同老爺奶奶一齊住，新居仲裝修緊，住得好近。問圓圓家陣係咪已經有保鑣隨行，佢就話未習慣，又話鍾意自己一個人多啲:「今日都冇(保鑣)。」