韓國人氣綜藝節目《Running Man》(RM)聽日播出新嘅一集，喺呢集中「國民MC」劉在錫就好大犧牲，要喺節目上公開自己嘅體重。

從預告花絮中，劉在錫喺當日要接受懲罰，劉在錫、李光洙等人要喺英國乘坐翼上走道（wing-walking），佢哋需要站喺飛行中嘅飛機翼上，過程相當危險，亦都好刺激。

由於要做呢個危險動作，體重係唔可以超過80kg(約176磅)，成員都想打退堂鼓，唔想站喺機翼上咁危險，所以個個都話要增肥先得，而本身身形瘦削嘅劉在錫即絕望話：「我0依家62kg(約136磅)，要我短時間內增磅20kg(約44磅)係冇可能，咁樣我冇希望了。」笑爆全場。

另外，劉在錫聯同光洙、金鍾旼、男團EXO成員世勛、女團Gu9udan成員金世正、安在旭及朴敏英出演嘅Netflix韓綜《Busted! 韓星齊鬥智》日前宣佈續訂第二季，第一季亦已於噚日播出最後兩集。

精選娛聞，喺晒《娛果》
http://fb.com/appledailyent