當年今日
關於我們

【人們不要忘記】藍奕邦網貼坦克人悼六四 憂慮過埋今年冇機會po

蘋果日報 2020/06/02 16:22

藍奕邦八九六四

今年的六四變得不一樣,港府被質疑藉口「限聚令」打壓,六四集會被DQ,但人民不會忘記,歌手藍奕邦今日在社交網貼「坦克人」相悼六四:「到咗今年,我真係好想po番呢張歷史意義極大嘅相,我驚過埋今年再無機會。」
藍奕邦寫道:「好奇想做一個調查。八九六四當年你幾多歲出世未?如果未出世你又係點認識六四呢件事?到今年31周年,你又有咩感覺呢?我答你哋先,我當年11歲,因為當時住維園附近,日日從屋企望出去維園集會,晚晚睇住新聞,日日學校操場都有學生自己發起嘅活動(我當年小五添咋),記得邊個歌星參加過民主歌聲獻中華。31年來,無忘記過,依然等待沉冤得雪,依然等待平反一日來臨,依然心痛憤慨。」
31年過去,六四仍未平反,今年香港人更面臨「港版國安法」打壓,藍奕邦憂慮:「今年,多一個感受,就係害怕就快喺香港都隻字不能提,連po呢張相都唔得。自有社交媒體以來,一直都只可以好隱晦地講六四。到咗今年,我真係好想po番呢張歷史意義極大嘅相,我驚過埋今年再無機會。」
當年民主歌聲獻中華,由曾志偉、黃霑、陳欣健、岑建勳擔任主持,參與藝人除梅艷芳、鄧麗君、達明一派、鄭敬基、蔣志光等外,還有成龍、譚詠麟、鍾鎮濤、肥媽Maria Cordero、汪明荃、張明敏等。
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新