上季英超亞軍，到8月新球季開鑼將會全面使用倫敦溫布萊球壇作為佢哋暫時嘅主場。上季熱刺喺歐聯用溫布萊做主場比賽似乎唔多適應，成績差分組賽就出局，加埋本土盃賽上季5次喺溫布萊比賽只係贏得1次。球會方面希望將溫布萊草場嘅面積改細啲，等班球員可以喺同前主場白鹿徑一樣大嘅草地比賽，不過呢個建議難以實行。

白鹿徑球場係上季英超草場面積第2細嘅球場，得100米x67米，而溫布萊球場面積就有100米x69米，差兩米但領隊普捷天奴就覺得好緊要。根據英超賽會規定，所有英超比賽使用嘅球場，唔可以細過100米x68米，白鹿徑呢類歷史悠久嘅球場可以豁免，即係話熱刺想改溫布萊球場就冇行了，或者唔改窄兩米，一米都好過冇喇。