【新增內容及圖片】

由河正宇、車太鉉、李政宰等主演、被視為今年底最受注目嘅韓片《與神同行》，大前日喺韓國開畫，下月11日就會殺到嚟香港。

《與神同行》於韓國開畫當日即吸引逾40萬觀眾捧場，上映三日累計觀影人次已破130萬，噚日單日有逾49萬，再次穩坐票房收視冠軍。而上映三日累計觀影人數達132萬331名，成為韓國史上12月上映嘅電影中最快破百萬觀影人次，打破去年《Master》嘅紀錄。

《與神同行》有咁好成績，金容華導演今日率領河正宇、車太鉉、李政宰、朱智勛、金香起等人到戲院謝票。而截止香港時間今日晏畫3點，《與神同行》只係短短上映4日，已經累積200萬人次入場。

另外，根據電影演員品牌評價調查統計，12月因為有兩套電影上映，令河正宇即時登上冠軍位置，第二名為玄彬、第三位係鄭雨盛，第四至第十位分別為宋仲基、孔劉、車太鉉、郭度沅、尹啓相、李秉憲、劉亞仁。

更多韓流，喺晒《娛果》
http://fb.com/appledailyent