蘭西情報課：
西環鐵約舖有售值6000萬
蘋果日報 2004/11/06 00:00
上市公司慶豐集團上個財政年度虧損三千幾萬，現趁舖市大旺，標售西環鐵約舖，估計市值超過六千萬。
負責招標嘅美聯物業吳偉華話，個舖係山道長發大廈九千幾呎地舖，由超市同金舖承租。大部份面積近二十年一直租畀超級市場，先係惠康，十年前就由百佳接手，租約到○七年。上址𠵱家月收共三十萬。
講開鐵約舖，蘭西記得，中原老闆施永青都十分熱愛，曾經喺舊年以近二千三萬，向馮國保買入旺角廣華街一個租期長達六十年嘅郵局鐵約舖，回報率五厘八。
今年七月，老牌建築商邱南記，以二億六沽出中環皇后大道中九號美銀亞洲租用四十年嘅鐵約舖。
恒基新盤森巴促銷
中半山麥當勞道十一號今日重推，恒基與新世界隆重其事，噚晚喺現場舉辦「巴西之夜」大型宣傳活動，邀請城中名人如余安安、溫碧霞等到場睇show，成晚節目以巴西為主題，除咗時裝表演及巴西美食之外，當然唔少得最具代表性嘅森巴舞啦。
蘭西有幸先睹為快，兩個衣着性感嘅巴西女郎，喺平台花園內大跳森巴舞，非常養眼，不過近排天氣轉涼，入夜之後嘅半山區，陣陣涼風吹起，兩位巴西女郎舞衣單薄，睇怕要不停咁跳先可以驅寒。
負責招標嘅美聯物業吳偉華話，個舖係山道長發大廈九千幾呎地舖，由超市同金舖承租。大部份面積近二十年一直租畀超級市場，先係惠康，十年前就由百佳接手，租約到○七年。上址𠵱家月收共三十萬。
講開鐵約舖，蘭西記得，中原老闆施永青都十分熱愛，曾經喺舊年以近二千三萬，向馮國保買入旺角廣華街一個租期長達六十年嘅郵局鐵約舖，回報率五厘八。
今年七月，老牌建築商邱南記，以二億六沽出中環皇后大道中九號美銀亞洲租用四十年嘅鐵約舖。
中半山麥當勞道十一號今日重推，恒基與新世界隆重其事，噚晚喺現場舉辦「巴西之夜」大型宣傳活動，邀請城中名人如余安安、溫碧霞等到場睇show，成晚節目以巴西為主題，除咗時裝表演及巴西美食之外，當然唔少得最具代表性嘅森巴舞啦。
蘭西有幸先睹為快，兩個衣着性感嘅巴西女郎，喺平台花園內大跳森巴舞，非常養眼，不過近排天氣轉涼，入夜之後嘅半山區，陣陣涼風吹起，兩位巴西女郎舞衣單薄，睇怕要不停咁跳先可以驅寒。
地產代理監管局最新一期刊物「專業天地」指出，截至九月底止半年度，一共處理近千二宗投訴，完成個案有三百五十七宗。
蘭西細睇資料，發現期間有兩個代理被撤銷牌照，六個暫時吊銷牌照。另外，要喺牌照附加條件嘅，就有六十二個，有啲重係見報率高嘅代理㖭。
𠵱家樓市咁旺，代理若因犯事而被吊銷牌照，就會錯過搵錢良機。時刻保持警覺，唔好犯事，就係保住牌照嘅最佳方法。
西半山羅便臣道一號高層，剛以千八萬易手，面積二千五百呎，每呎七千二，原業主係發展商周氏家族。
翻查資料，大廈前身原來係老牌家族周囗年嘅祖屋，周囗年喺四、五十年代曾任議員，重係首位獲港府頒授「終身議員」銜嘅華人，叱咤一時嘅周囗年，後人均非常低調，除了子姪周啟邦仍然活躍於社交場合。周囗年幼子周湛煌，現為上市公司宜進利主席，從事鐘表業務。
講番呢幢大廈，屋之島歐志康話，七八年落成拆售初期，周家上下仍保留部份高層自住，各人於近年陸續遷出。上述單位係周氏家族持有最後嘅一伙。
電郵地址：
森巴女郎以勁歌熱舞，驅除寒意。