七十八歲嘅老伯伯上星期登咗一個言簡意賅嘅廣告（圖），觸動唔少香港人嘅良知，不過老先生堅持低調不願現身，認識佢嘅立法會議員涂謹申透露，老先生目前唔喺香港，但稍後會再賣廣告表態。
可能受到老先生感動，一名「爸爸」今日亦喺《蘋果》賣咗個全版廣告，向兩個仔駿仔、希仔交代，話自己一把年紀，或者冇機會睇到香港普選，只望兩個仔有機會，提醒佢哋到時記得老竇曾經為香港民主出錢出力，呢個「家祭無忘告乃翁」現代版嘅廣告，唔知代表到幾多香港人無奈嘅心聲？
八方係度賣吓廣告，因為黎老闆噚日話，佢願意自己掏腰包，支付一半呢類喚起港人民主意識嘅廣告費用，希望多啲港人挺身而出表吓態，今次要睇吓肥佬有幾多擁躉喇。

傳真︰2623-9278
電郵︰[email protected]