【新增內容】

今日6.16大遊行反送中，下午近2時，黃耀明和何韻詩一身黑衣抵維園，對於特首林鄭月娥昨日宣佈暫緩《逃犯條例》修訂，而不是應市民要求撤回惡法，明哥說：「我覺得當然暫緩係一樣嘢，如果暫緩等於撤，請佢講清楚，因為香港人嘅意願係撤回。」

明哥形容惡法如一把刀，永遠威脅着香港人：「因為覺得呢條惡法等於一把刀，永遠都會架咗喺呢度（頸），我哋永遠都係會好驚，我哋香港人唔想活在恐懼裏面，然後再加上噚日發生嘅事，令到我哋非常傷痛，亦都係呢種政權迫人民迫到牆腳。」

對於上周三示威人士被警察武力鎮壓，昨日更發生男子墮樓事件，問會否擔心事件拖落去，大家身心受創傷？明哥要求林鄭：「我覺得佢一定要出嚟解決呢件事，因為尤其經過噚晚嘅事，我諗大家都非常之擔心，我都希望大家唔好絕望，睇到今日，其實我哋人數無論多定少，我哋都仲有大家，有大家一齊可以依靠，我哋依靠唔到政府，可以依靠大家，所以香港人千祈唔好絕望。」今日好多遊行人士手持白花悼念墮樓死者，明哥表示都準備了花，到時會有相關儀式。

遊行開始前，大會呼籲市民收遮、除帽，為昨晚離開人士默哀一分鐘。然後遊行開始，明哥、阿詩、陳日君、壹傳媒創辦人黎智英等均站在龍頭步行，有市民更沿途唱聖詩《Sing Hallelujah to the Lord》。對於今日市民洶湧上遊行，阿詩說：「我覺得應該，香港人今日如果再唔行出嚟，真係再冇機會發聲，我相信今日一定多過100萬人。」對於昨日有男子墮樓，明哥說：「當然覺得好傷心，但希望香港人千祈唔好絕望，因為有乜事，其實我哋仲有彼此，今日見到咁多人出嚟，我哋仲有大家。」阿詩堅定補充：「好簡單一句，我哋一個不能少，我哋繼續加油。」

民陣6.16反惡法遊行
日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會

民陣6.17三罷集會
日期：6月17日（星期一）
集會地點：立法會外集會
（資料來源：民陣）
-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多