何韻詩噚日喺科學園搞嘅《On The Pulse Of 我們正在》音樂節，原本邀請咗台灣閃靈樂團演出，但阿詩喺開騷前表示喺11月12號遞交申請工作簽證，直到12月22日都未獲入境處回覆批准與否。直到今日，阿詩話收到入境處回覆文件，仲公開咗拒批原因，然後留言：「原來只要你冇香港境內不存在嘅技能或知識經驗，你都唔使旨意攞到簽證。」

其實，日前宣佈要取消被指台獨嘅閃靈樂團演出時，阿詩好友杜汶澤已經喺facebook話：「閃靈可以入境才是新聞。」阿詩今日講出真相，阿澤都喺facebook留言：「我有時去揼骨，都會遇到一啲講普通話嘅技師，佢哋嘅技術都可以講得上係出神入化！唔通呢啲就係入境處所指嘅『香港境內不存在的技能』？」

精選娛聞，喺晒《娛果》
http://fb.com/appledailyent