為咗宣傳今年底先至上映嘅《星球大戰：原力覺醒》（StarWarEpisodeVII：TheForceAwakens），黑武士今日帶住一班白兵，係威係勢咁走入灣仔會展舉行嘅動漫展，《蘋果》就率先帶大家去灣仔現場睇睇!

黑武士搞到要用原力開門，入咗會場之後，原來黑武士係去巡視一下動漫展入面嘅《星戰》展覽檔口，個檔口展出《星戰》入面啲飛船之外，仲有黑武士同白兵嘅小手辦，亦有螢幕播放《星戰》片段，黑武士睇完一輪仲要好chok咁揮一揮動黑袍㖭!