【ATV告急之解約內幕】亞視前藝員筱靖被指因為一句「出糧天經地義」而遭亞視雪藏,不甘再違背良心講說話,筱靖去年底主動向公司解約,現時回復自由身重見天日。日前筱靖在尖沙嘴接受本報專訪,大爆遭亞視秋後算賬、被迫講違背良心說話及被凍薪欺壓。
在亞視發展七年,筱靖自問付出青春和錢在所不計,但看到一班沒有糧出的員工背後辛酸,已不能再配合公司說反話,她說:「過往洗腦班、反發牌事件我都撐公司,每次要求我講乜都配合,明白公司要聽話員工,但唔可能去到打工仔冇糧出,咁不如我去山區做義工啦。我唔覺得『出糧天經地義』呢句話係錯,只係公司小器,我自己食齋十二年,吓吓要我出嚟講大話,點樣對得住自己?我喺亞視七年間,只係由六千加到七千蚊人工,阿媽話洗碗都九千啦。」