日本樂壇天后濱崎步近日回流日本發展，因而盛傳她與老外丈夫感情出現問題，加上步姐自爆近來成日喊，連日前為宣傳新碟錄影嘅節目《SONGS》，都忍唔住喊，令到消息更加傳到似層層。

節目《SONGS》噚日已經播出，步姐披上婚紗獻唱《M》及《SEASONS》等名曲，又演繹翻唱宇多田光作品《Movin'onwithoutyou》，而步姐感觸得灑淚人前，原來就係講到佢當年離開日本，步姐話：「當年係為逃避而離開日本，但一離開就發現我唔可以唔理跟咗我咁耐嘅歌迷。」邊講邊喊，相當淒涼，吓，原來係因為唔捨得歌迷。