RubberBand今日到商台宣傳新歌《漫長》，坦言因為社會氣氛延遲派歌：「原本兩個月前應該要派歌，不過我哋覺得呢首歌個氣氛啱啲。首歌唔係講咩大道理，只係經歷啲唔開心嘅嘢嗰陣，點樣去自處？呢幾個月大家都唔開心，日復日，唔知好消息幾時嚟，我相信冇咁快。總之就係你想相信嘅事，就堅持。」他們認為香港不只需要日常的打氣，而是鼓舞、同行的音樂。

問RubberBand會否擔心被指消費逆權運動？他們認為觀眾的眼睛是雪亮：「到底你平時係同行，定突然插隊出嚟，其實好易睇得出。創作嘅嘢好隨心，唔好有太多花啲考量。」RubberBand笑謂即使現時要寫情歌，亦沒有感覺去做，他們亦不擔心被標籤做顏色歌，最緊要對得住自己。

泥鯭透露有接觸過前線抗爭者的朋友：「因為嗰位前線抗爭者畀人拉咗，佢啲朋友搵我哋寫啲鼓勵說話畀佢，咁我哋都寫咗幾隻字打氣。佢就回咗5、6頁紙畀我哋，講番佢在囚嘅生活同報平安。」

採訪、攝影：盧妹

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇