當年今日
關於我們

【豬瘟襲港】豬肉檔主望天打卦: 政府從來冇關心過我哋

蘋果日報 2019/06/03 13:29

非洲豬瘟九龍城街市

非洲豬瘟半月內再度襲港,內地停止活豬供應,本港豬肉供應量大減,豬肉檔生意大受影響,不少更停業休息,檔主大嘆無奈,只能「望天打卦」,有檔主批評政府把關不力,連累豬肉檔亦無法做生意,但政府並無補貼,「(政府)從來冇諮詢過我哋,從來冇關心過我哋!」
九龍城街市原本人頭湧湧,但因大部份豬肉檔無開檔,變得較以前冷清,其中一肉檔負責人鄭太,即使無新鮮豬肉賣,仍返檔口呆坐,她無奈說「望天打卦」,「我哋入唔到貨,冇喺嗰度買開豬,根本買唔到,唔係有錢就買到,政府失驚無神嚟一鑊,我哋都唔知點算」。
她批評政府把關不力,「今次係隻豬種,留喺屠房幾日都唔劏,我哋本身劏開豬,今日嚟,第二日就要劏,冇可能留咁多日,把關得唔好」。問到她如何打算,「問政府啦,我哋現在係冇補貼,政府冇過問我哋,冇諮詢過我哋,從來冇關心我哋,我哋咁多同業起碼過萬人」。
她指檔口月租約5000至6000元,每日開支約3000元,夥計月薪照支付,檔租照交,上次連今次共14日都沒法開檔,損失慘重,她指大街的檔口月租至少6、7萬,情況更堪虞。即使上次復業,活豬來價亦貴至少一半,主要來貨少。她在九龍城街市經營40年,從未試過短時間內連續兩次停業,而她檔口的牌照亦規定只能售賣新鮮豬、牛,不能賣冰鮮豬肉,否則釘牌,她無奈接受,仍返到街市呆坐檔口,「反正得閒,無聊,咪出吓嚟,街坊好好,問候我,叫我唞下當休息」,更苦笑說可能要提早退休。
另一豬肉檔檔主盧先生,指今天只賣一隻豬,賣完便收檔,他大呻:「今次貴到離晒譜,區區都死!」
【六四30】守住歷史 拒絕遺忘
https://hk.adai.ly/zdzKtt2RiW
empty
鄭太無奈在檔口呆坐,大嘆政府從無關心過同業。簡明恩攝
empty
九龍城街市部份豬肉檔沒有開檔。簡明恩攝
empty
豬肉檔檔主盧先生指今日來貨貴到離晒譜。
empty
賣本地豬的肉檔好生意,人頭湧湧。簡明恩攝
empty
簡明恩攝