【反抗到底】阮民安求證檢測中心安全性 持彩虹傘巡油麻地：要表態
蘋果日報 2020/09/06 17:58
阮民安檢測中心
有巿民網上呼籲在九龍區遊行，下午時份起，油尖旺區由地面到港鐵站內佈滿警察。而譚得志（快必）今早被拘捕，指他涉嫌早前在多個地區擺設街站時發表會引起憎惡及藐視政府等言論。
穿上白恤衫，手持彩虹色雨傘的阮民安（Tommy）在油麻地現身，他說：「今朝快必被拉咗好擔心，我哋今日見到文字獄，只要講唔啱聽嘅嘢、喺街講吓嘢、健康講座都唔得，所以我哋更加要反抗到底，而唔係佢哋兇我哋就收聲，要表態先。」而他另外也有好友不知原因被捕，令他很憂心。
原本今天是立法會選舉日，但被取消，Tommy表示自己趁假日行街，還說：「我個人認為相信政府，唔怕，但聽講好多票站成為全民X檢中心（社區檢測中心），所以行過就睇吓呢啲地方，成日話X檢中心X驗，又話啲衫唔合規格，檢驗完嘅嘢又俾人偷咗，又亂幫人登記（檢查），係咪真係咁咋？網上啲人話政府好X唔掂，所以我嚟求證吓。」
Tommy表示街上也有很多人似是同一想法，他說：「大家未必唔支持，純粹覺得信唔過，見好多兄弟姊妹今日出嚟，而我身為MK Pop始祖，唔好漏低我，我喺旺角出現好正常。」有見街上佈滿警察和警車，Tommy表示好奇：「佢哋又要出嚟驗啲乜？佢哋最X聽話應該驗晒，我仲見到水炮車，又有警嫂，係咪一陣有表演？係咪有巡遊？如果係我一陣睇吓，有表演就拍吓手。」
Tommy今日手持彩虹傘行旺角，他稱想去求證社區檢測中心的安全性。
Tommy坦言擔心快必及被捕的好友。
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！