【本報訊】近日多次在未通知傳媒下落區的政務司司長林鄭月娥，昨日突然現身工聯會五一勞動節遊行，並在台上多次高叫「2017一定要得」口號，她強調：「千祈唔好聽有啲說話，話假普選，呢個係切切實實嘅普選，係有競爭性嘅普選。」工黨主席李卓人批評林鄭做法等同騎劫工人遊行，為假普選宣傳。
政務司司長林鄭月娥昨日與政制及內地事務局副局長劉江華等高官，突然在工聯會五一勞動節遊行終點現身，工聯會似早知林鄭會到場宣傳政改，當遊行大隊抵達終點添馬公園，隨即將原來「要求政府實踐承諾保障勞工」的遊行橫額，改為「撐勞工 為基層 撐普選」及「2017我要投票選特首」。

李卓人：騎劫咗個遊行

林鄭與官員獲邀上台，除多次高叫「2017一定要得」，發言時更特別多謝工聯會支持政改，指政改方案能將選票交給500萬名選民手上，若通過可令政府施政更貼近民意，又強調「千祈唔好聽有啲說話，話假普選，呢個係切切實實嘅普選，係有競爭性嘅普選」，但她離開時未有回應傳媒提問。
工聯會理事長吳秋北事後被問到林鄭是否騎劫工聯會遊行時，反問：「點解唔係工聯會騎劫咗林鄭？」工黨主席李卓人批評，一個爭取勞工權益的遊行，竟由一個損害勞工權益的政府上台發表講話，「（林鄭）騎劫咗個遊行，變咗宣傳假普選，宣傳一個呃工人、要袋住先，損害勞工權益的假普選方案，我覺得係好離譜」。　
■記者王家文