梁詠琪（GiGi）一連三場的處女個唱今晚在紅館開鑼，她昨日在紅館積極備戰，作最後綵排。其間蕭芳芳突然前往探班，並送上親自炮製的燕窩粥、糖水和暖蛋給GiGi，為她打氣。
由於事出突然，GiGi見到芳芳姐親來打氣，不禁淚灑當場，場面感人。芳芳姐和GiGi因合作「護苗基金」的活動稔熟，更成為好朋友。
叮囑進補強身
GiGi昨日在紅館為演唱會作最後衝刺，在芳芳姐探班時，她正在排練打拳和西班牙舞，芳芳姐看見GiGi在台上的精采演出，即不禁大叫：「GiGi好嘢！」
芳芳姐在離開前還與GiGi互相吻別，芳芳姐更向GiGi再三叮囑說：「你要食多啲嘢，先有力跳好啲㗎！」為表誠意，GiGi即場吃了幾啖燕窩粥。
伊健坐鎮減壓
其後GiGi興奮地表示：「我真係唔知佢嚟，真係好開心。因為芳芳姐耳仔有問題，佢會嚟捧場，但未必入去聽，之後我會送番DVD畀佢。」
此外，問到GiGi其男友鄭伊健會否來捧場，她笑言：「佢會嚟睇，但唔會上台。佢都有叫我唔好咁緊張㗎！」
採訪、攝影：梁詠怡