當年今日
關於我們

【唔好畀佢停】卡尼九月狂入波 壓軸一戰梗係冇得唞

蘋果日報 2017/09/29 18:32

英超熱刺入球哈利卡尼

踏入9月,熱刺射手哈利卡尼就入波入到停唔到,到周二歐聯作客大勝尼科西亞連中三元,卡尼喺9月代表國家隊加球會,一共有4次梅開二度加一次帽子戲法,已經入咗11球。旺成咁,熱刺喺9月最後一場比賽,周六英超早場客哈德斯菲爾德,領隊普捷天奴梗係唔畀佢休息喇。
普帥話:「或者到球季某個階段,我先會考慮進行輪換,但依家卡尼狀態大勇,實在冇必要將佢放喺後備席。我相信卡尼已經係世界最佳球員之一,但佢仲後生,唔適宜畀太多壓力佢,由佢再繼續改善同發展下。」
empty