「2017國際中華小姐競選」，噚晚就喺馬來西亞舉行，當大家都期待港姐冠軍會有嘢爆嘅時候，咁就令大家失望喇，因為成個節目，最精采都係一班佳麗唔鹹唔淡嘅廣東話，甚至有網民話：「睇緊國際中華小姐，好似入咗譚仔咁。」至於結果就有少少出人意表咁啦。

但當中就仲有一個精彩位，就係亞軍嘅林宣妤，因為喺泳裝環節，曾志偉如果由佢演出《楊紫瓊傳》會點，佢就表演急才，寸一寸陳凱琳喺做台慶司儀嘅時候，講錯「粉身碎骨」一事，因為林宣妤話：「我同楊紫瓊都好似，大家都係二十歲選美，以前跳舞跳到腳都瘀，我一定會粉身碎骨演出！」真係好有「急才」。