【抵押后冠】當選只得鑽石心口針 85年港姐冠軍謝寧:我哋年代係玻璃
港姐謝寧陳美齡楊婉儀后冠
85年港姐冠軍謝寧今日邀請咗陳美齡到黃竹坑為佢主持嘅創世電視節目《主食寧感》擔任嘉賓,創世電視總監葉家寶特別到場探班。
前港姐冠軍楊婉儀同丈夫王帥勳,以及由兩人任職董事的薩摩亞註冊公司Little Einstein Academy Limited,今日遭一間財務公司入稟,指被告公司貸款200多萬後數度拖延還款,追討楊婉儀后冠及加州物業兩項還款保證的擁有權。
當記者問到知唔知呢單新聞,謝寧聞言後即表示:「后冠都唔值錢,我哋嗰啲係道具嚟㗎。」記者指楊婉儀嗰個唔係道具,謝寧有啲愕然咁話:「吓!咁衰,搞錯呀!我哋80年代嗰啲係玻璃,我放咗喺屋企嘅櫃桶,早知我叫個女去選啦!其實當年有好大個鑽石心口針,我就將心口針嘅鑽石分拆,鑲咗喺唔同嘅飾物。」楊婉儀以后冠作還款保證,覺唔覺得可惜?謝寧話:「梗係,呢個係人生一個好大嘅成就,我諗佢都係迫不得已,我同佢唔熟,幫我問候佢;我知有一年係真,唔知係咪楊婉儀呢屆,其他(后冠)都係假。」
精選娛聞,喺晒《娛果》
http://fb.com/appledailyent
陳美齡今日喺黃竹坑為謝寧主持嘅創世電視節目《主食寧感》擔任嘉賓。
85年港姐冠軍謝寧聽到楊婉儀以后冠抵押表示:「后冠都唔值錢,我哋嗰啲係道具嚟㗎。」
謝寧話:「呢個係人生一個好大嘅成就,我諗佢都係迫不得已。」