莊思敏(Jacquelin)同莊思明兩姊妹今日齊齊現身觀塘apm出席「星際光影之旅記者會」，Jacquelin着住超低胸紅裙迫爆上圍，問到阿妹思明介唔介意被搶鏡？思明笑話：「唔介意，都有少少慣咗。」問思明男友楊明唔批準性感？佢就話都要經過審批：「佢有時會叫我着畀佢睇咗先，有啲佢會問乜嚟㗎？有時去街我鍾意着body suit，會貼身露背或者露膊，佢就會問我點解成日着泳衣。」一直搵緊愛巢諗住同楊明同居生活，到o依家都仲未搵到，思明話：「想搵個私隱啲，又唔可以太遠又要有海景嘅，到o依家都未搵到，不過呢啲條件都唔係嚟自我。」

中秋節將至，思明就話同男友都要開工，而直認夢想快啲結婚嘅Jacquelin就話冇人陪，所以中秋就約咗單身女友人，問佢怕唔怕又畀人話佢鍾意同性呀？佢就話：「唔怕，我已經長頭髮同溫柔咗啦。」