當年今日
關於我們

【短片】【雷神弱點】與四倉主八字唔夾!

蘋果日報 2016/07/26 06:00

莫雷拉盲門容天鵬雷神弱點

莫雷拉被封為「雷神」,確有化腐朽為神奇的神級騎功,不過神亦非無往而不利,原來都有唔少盲門事件,大家睇完呢啲盲門事件,在新季捧雷神嘅時候就可以逢凶化吉啦!
好多練馬師都鍾意用莫雷拉搏殺,不過唔知係唔係八字唔夾,有四位倉主在上季同雷神合作未贏過,分別係吳定強、高伯新、李易達及容天鵬,前三人上季與莫雷拉只合作四至五次,尚可話次數較少才未勝,不過容天鵬與莫雷拉整季合作13次之多,不單未嘗一勝,就連入Q亦只得一匹「仁愛之友」而已,不少更加係捧成大熱連P都冇,好似「放下自在」、「合作愉快」及「安闖」便是最好例子,所以新季見到莫雷拉騎容天鵬嘅馬亦不宜過份重視。