SISTAR漏夜離港昭宥超親民 多順變「唔多順」懶理粉絲
蘋果日報 2014/04/03 06:00
SISTAR孝琳昭宥寶拉多順
SISTAR成員多順（左及中）離港時，表現「唔多順」，佢不停狂按手機，冇乜表情；反而昭宥（右）親民得多。（攝影：藍文浩）- 多順變低頭族，冇乜點理粉絲喎。
- 多順仲不時搞頭髮。
- 粉絲為同偶像影遠距離自拍合照，無所不用其極。
- 粉絲呀粉絲，影唔影到0架？
- 臨入閘時，多順終於肯揮手。
- 而昭宥超Nice，用國語同粉絲講再見。
韓國女子組合SISTAR成員有孝琳、寶拉、昭宥和多順，噚晚喺九展開完演唱會後，就漏夜搭飛機返韓國。
即日來回韓國嘅多順，唔知係咪周車勞頓，搞到「唔多順」，戴住黑超嘅佢，目無表情，不停狂按手機；反而另外三位成員孝琳、寶拉及昭宥，就表現親民得多，沿途喺機場跟二十幾個粉絲揮手、簽名及收禮物，只係得多順一個冇理過班粉絲，現場就有十名保安圍成人鏈送SISTAR離開，航空公司職員就帶佢哋從職員通道入閘。
臨入閘前，多順就係咁易揮下手速閃，昭宥就最熱情，向一班粉絲用國語大叫「再見」，然後熱烈揮手離開。
即日來回韓國嘅多順，唔知係咪周車勞頓，搞到「唔多順」，戴住黑超嘅佢，目無表情，不停狂按手機；反而另外三位成員孝琳、寶拉及昭宥，就表現親民得多，沿途喺機場跟二十幾個粉絲揮手、簽名及收禮物，只係得多順一個冇理過班粉絲，現場就有十名保安圍成人鏈送SISTAR離開，航空公司職員就帶佢哋從職員通道入閘。
臨入閘前，多順就係咁易揮下手速閃，昭宥就最熱情，向一班粉絲用國語大叫「再見」，然後熱烈揮手離開。