韓國男團Super Junior成員東海及銀赫組成的小分隊Super Junior D&E昨晚在亞洲博覽館舉行演唱會，大會準時7時開始，觀眾席分坐位及企位，差不多大部份都是女粉絲。

開場後，粉絲們已開始尖叫，當穿上金色歌衫的東海及銀赫現身又唱又跳《Circus》時，尖叫聲更為大聲。及後他們再獻唱《Watch Out》，唱到《Rum Dee Dee》時，東海及銀赫與女舞蹈員跳舞時有身體接觸，令到粉絲們看到嘩嘩聲。

之後，東海與銀赫在台上大講不鹹不淡的廣東話：「I love Hong Kong，大家好，我哋係Super Junior D&E。大家好，我係東海，我喺呢度搵緊人。 」由於大家聽不明白東海的廣東話，繙譯只好幫口相助，東海繼續以廣東話說：「要搵個好靚嘅，着衫又性感，煮飯又好叻，比起任何人都愛我，有冇咁嘅人嚟到呢度呀？由而家開始要搵吓，就係你哋啦！」

銀赫又冧粉絲：「大家好，我係銀赫，大家有冇掛住我哋呀？有幾掛住我哋呀？我唔係幾掛住你哋喎，因為每晚發夢都見到你哋，但係親眼見到你哋，我哋要成日見，我等咗今日好耐，我成日都好期待喺香港開演唱會，今日我哋玩得開心啲，準備好未呀？」之後他又以韓文問粉絲：「聽唔聽得明呀？我哋講嘅廣東話，發音唔係太好，好對唔住你哋呀，大家會明白我哋，係咪？」接着他們就投入演出。

間場播片時，有一幕是東海赤裸上身，以及兩人玩水上活動的片段，令到粉絲們不斷尖叫。及後，他們換上沙灘裝，拿着水槍走到台下向粉絲們射水，返到台上的銀赫又做心心手勢冧粉絲。接着，兩人又型爆十足，駕駛電動車到台下，搞到粉絲們十分開心。

唱到《Bonamana》時，他們與舞蹈員勁歌熱舞，事後銀赫忍不住笑指跳到好暈。間場播片時，在螢幕上看到他們只穿上橙紅色西裝外套，由於動作過大會露點，所以事前露點位置已被「打格」，十分搞笑。

安哥位，台下觀眾拿着新娘的花環，銀赫落台拿下，跟東海笑稱如猜輸就要戴上，點知最後他自己猜輸了要戴上花環扮新娘。最後銀赫以國語說：「多謝，多謝，謝謝大家！」東海以廣東話說：「我愛你！」還送上有聲的飛吻，結束這場演唱會。

-----------------------------
7月4日起 《蘋果動新聞》只限升級壹會員閱覽
繼續撐蘋果！