周杰倫今日喺尖沙嘴舉行演唱會記者會，主要係想公佈佢加開4場，共十場嘅演唱會，依家加開四場，係22-25號，共十場，喻意十全十美。

記者會係戶外，對住維港黃昏景色，周董上台就大讚好正：「Magic time！」現場有歌迷合照，仲有贊助商上台送禮，仲被頒發一個「年度最受歡迎演唱會」獎，之後佢做完活動，就匆匆趕返台灣。周董上次開9場，今次加開4場，佢話：「上次說過，要打破自己香港開騷紀錄。」總結，周董嘅巡迴已經開咗66場喇！

今日周董係有少少感冒，佢話：「每次來港最重要是抽一日半日時間休息，購物，飲茶，輕鬆一下，不過很容易感冒，所以經常會見到我戴口罩，我今天都是感冒。」對於明年演唱會，他說：「有少少機關改動，舞台有變化，有恐龍骨頭路的台，而香港台灣都會想邀請什麼嘉賓，今次想請香港最利害的歌手合作，所以要仔細想清楚。」對於「年度最受歡迎演唱會」獎，佢話呢個係2017年第一個獎，自己好少攞，希望2018攞多啲獎。

記者會後，周董接受訪問，問到佢心情如何？佢話：「非常開心，覺得之前開不夠，要突破自己開十場，每年一場好少，一次過開4場，感覺不錯，舞台有創新，一樣就對不起歌迷。」

被問到會不會邀請太太做嘉賓，佢拒絕話：「不會，太太在下面看才會沒有太大壓力。」講到佢之前放個女嘅片段上網，話口頭禪「哎喲不錯喔」反應好唔錯，佢話：「這句話我常常在家裡講，呢句說話就好似一句slogan，之後會收錄在自己專輯入面，我放出來，看大家反應。」講到兩個仔女嘅音樂感，佢話：「兩個目前沒有，但是有喜感。」講到外表，周董話：「女兒似我，有一對小眼晴，比我細一點，兒子比我大一點，希望他們倆個長大從事創作工作。」之後被人追問佢幫個女報名入讀名牌學府，佢未答，就已經俾工作人員拉走咗！

更多娛聞，喺晒《娛果》
http://fb.com/appledailyent