任賢齊（小齊）今日喺灣仔出席活動，為咗新片而變肥仔嘅小齊（相關新聞： https://bit.ly/2CtzCLq ），現時體重達100公斤（220磅）嘅佢，今日為咗撐擔任主席嘅契細佬場，仲上台行騷。

影相時要縮肚，小齊話：「好辛苦，呢幾日都唔敢食嘢，今年不停增肥，啲衫嘅size已經不停要改，都擔心上台唔靚仔。」小齊話o依家成日會胃酸倒流搞到瞓得唔好，就連跑步時都會突然想嘔，佢話：「o依家對住好食嘅嘢都冇晒興趣，見到都想喊，希望拍攝快啲進行，之後要減返以前74公斤，都冇乜好日子過。」

問佢有冇嚇親仔女？小齊話：「o依家冇人鍾意我，我已經半年冇見髮型師，因為冇得剪髮同剃鬚，就連做演唱會，啲觀眾都唔認得我，以為我係出嚟暖場，反應好怪。」小齊又話情緒日日都跌，感覺痛苦，但係佢就話拍得一套好戲點都值得。

精選娛聞，喺晒《娛果》
http://fb.com/appledailyent