日本男星阿部寬上月訪台宣傳時，遇到花蓮大地震，當時佢於活動上話感謝台灣於日本311大地震時嘅幫助，並透露會捐出1000萬日圓（近74萬港元）賑災。
噚日，阿部寬兌現承諾秘密到訪台北駐日文化經濟代表處，駐日代表謝長廷喺Facebook公開阿部寬到訪嘅照片，又大讚佢夠親切，對於代表處職員要求簽名同合照都全部答應。台灣《蘋果日報》為此聯絡咗駐日代表處新聞組，不過新聞組回應話阿部寬再三要求想將捐款嘅事低調，所以不便透露更多細節。

至於「KAT-TUN」前成員田口淳之介於周日襲港前，已抵達台灣準備開騷，田口淳之介上月在日本開騷亦發起咗賑災活動，將購買演唱會周邊貼紙嘅銷售金額全數捐出，而田口淳之介噚日一抵埗就親自將善款捐到相關機構幫助災民。

精選娛聞，喺晒《娛果》
http://fb.com/appledailyent