【MyGut者言】港元不敗之謎(徐家健)
徐家健
故有市場,我亦不能否定世上真的有鬼。問題是,日光日白見鬼,這個鬼故真太濫吧。
自5.21人大宣佈審議「港版國安法」,不少KOL就港元的存廢大放厥詞:聯繫滙率將受衝擊(即係幾時受衝擊?)、聯滙變成終極核彈(即係咩情況下㩒掣發射?)云云,盡情發揮財演的自我修養。
是的,5.21之後一日,港滙急貶了40點子,為港元危機這齣戲展開序幕。兩個多星期前,財演那七情上面的一幕叫「資金率先表態」;兩個多星期後,掟港元的竟變了金管局,皆因港滙再次觸發7.75強方兌換保證。港元的需求太強了,迫使金管局一日之內三度向市場注資!
當個個KOL都潘紹聰上身,「恐怖在線」變「金融在跣」。坊間流行的金融鬼故有兩個:其一,阿爺頂,但唔頂得幾耐;其二,美帝投行借箭,是接港元準備之後作衝擊聯滙之用。鬼故有市場,我亦不能否定世上真的有鬼。問題是,日光日白見鬼,這個鬼故真太濫吧。我們要問,阿爺頂,為甚麼要在高位頂?美帝借箭,又為甚麼要在高位借?頂有成本,借亦有成本,選擇在成本最高的時候去頂去借,跟日光日白搵鬼嚇人分別不大。
我跟Babe保證對她的愛穩陣過聯繫滙率。她要求戀愛fact check:「搵鬼信你呀,以前明明話拍拖同結婚係兩種嘢。」我解釋:「Blank cheque都有兩種,一種『開』嘅,一種『搵』嘅。」女友怕金局管的是blank cheque而不是fact check,我再解釋:「潘兆聰上身嗰啲先係black cheque。阿爺頂,慣咗跌到咁上下先去夾爆你。美帝投行做生意,更加冇理由不惜工本。港元咁強,第一樣要check嘅唔係阿爺定美帝先係鬼,而係嚟緊中概股喺港交所上究竟需要幾多港元。呢啲有數得計,就好似我咁唔係blank cheque。」
-----------------------------
-----------------------------
屬於香港人的移民攻略
立即登入
【全球樓行】 Dream House零距離