侯孝賢執導o既電影《聶隱娘》，先後到過日本、武當山等地取景，日前劇組移師到台灣中影文化城拍攝「聶府」全景。

飾演俠女o既舒淇穿上全黑裝束，當佢梳妝完成後，走向門口護欄旁，不停爬高爬低顯身手，但似乎不慎整到先前受過傷o既左手手指，佢偷偷啜o左手指一下，狀甚痛楚。

不過，舒淇對自己要求頗高，呢場戲重複演o左好幾次，後來一度豎起拇指對自己俾「讚」打氣。呢套片除o左舒淇擔任聶隱娘戲分重外，日星妻夫木聰、張震、阮經天亦將陸續加入拍攝。